منتديات ورود الحياة
/عزيزي الزائر / عزيزتي الزائرةيرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارةالمنتدي

منتديات ورود الحياة



 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 لســــه مـكـانـــــك اهداء إلى روح ابــويا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: لســــه مـكـانـــــك اهداء إلى روح ابــويا   الخميس سبتمبر 02, 2010 12:00 am

لســــه مـكـانـــــك


اهداء
إلى روح ابــويا



لسه مكانك
عارفك . حاسك
شايل ريحتـك
حاضن دفئـك
يبكى . يحن
لضى وجودك
يبكى حنانك
يبكى أمانك
يبكى حس( بلال ) في أذانك
يبكى . يقشعـر
يملا الصمت
بشوقه الزايد
ينقش حلمه
في توب الذكرى
يتمنى لو تانى تعـود
*********
لسه مكانك
حيزه واسع
وسع الطيبة( ف) قـلبك
نابض
يفتح كراريس الأحلام
والعـنوان في عيونك نور
بالأمل الدايم وأتمكن
برجع تانى وتانى معاك
احفظ منك (سورة الفجر)
(وإنا أعطيناك الكوثر)
وتقريني( سورة الملك)
لما أحفظها
كنت تنور راسي ببوستك
كنت باحس بإنى في جنة
لما تبص عليا بنظرة
فيها كل معانى رضاك
وتلبسني درع إيمانك
أمشى جنبك
وتخبينى في طرف عبايتك
ضهرى كان منصوب
كالنخلة
يتباهى في ضل حمايتك
لسه الغربة ما وصلت ليا
كان الخوف بيخاف من يدك
لما تطبطب بيها عليا
وبتطعـمنى شهد رجولتك
كن يا ولدى راجل دايما
اوعى الحق يحود عنك
كن يا ولدى
كنت يا بوى
بس الخوف اتغـلغـل بعـدك
والغربة مدت لي ايديها
*********
لسه مكانك
مستنيك
يمكن تيجى
تيجى في توب
من لون الحب
تيجى مخلص
تفتح باب الصدق وتدخل
تيجى بريح الطيبة الهادي
يفوح المسك
يعطر عمري
وأنا واقف على
عتبة حلمي
هستناك وتضمك روحي
واديلك عمري وحناني
جلابية وطـاقية وشال
*********
هتيجى أنا عارفـك
تلمني منى
من أنفاس الحزن الأسود
من وش الأرض اللي خـدتـنى
من بعـدك ورمتني في توهة
افضل ادور عنى وعنك
لمنى ياله
ضمني فيك
خلى ضلوعك
تلمس قلبي
برجع تانى
صغـير جنبك
خدني (ف) حضنك
نيمنى تانى على حجرك
علمني ازاى اتكلم
وأردد في بسم الله
ياله يا ابويا
تانى نقرا
(سورة الملك)



الرجوع الى أعلى الصفحة اذهب الى الأسفل
emoo girly
Admin


عدد المساهمات : 331
نقاط : 693
تاريخ التسجيل : 02/06/2010
العمر : 20
الموقع : منتديات ورود الحياة

مُساهمةموضوع: رد: لســــه مـكـانـــــك اهداء إلى روح ابــويا   الخميس سبتمبر 02, 2010 11:47 am

موضوع جميل اوى تسلم الايادى
ننتظر المزيد

_________________
[ندعوك للتسجيل في المنتدى أو التعريف بنفسك لمعاينة هذه الصورة]

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://emoo14.own0.com
 
لســــه مـكـانـــــك اهداء إلى روح ابــويا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ورود الحياة  :: القسم الادبى :: الشعر والنثر-
انتقل الى: